8Five2 Restobar

营业中

休息中

一入到餐廳，第一個感覺係，呢一間餐廳充滿情調，設計特別。幾年冇見呢位朋友，就一邊暢談，一邊品嚐特色飲品同墨西哥美食。前菜係吞拿魚半厄瓜多爾醬，乾冰設計嘅容器，令到呢一道前菜份外夢幻。前菜份量都唔少，有少少辣，感覺清新。叫左兩杯Mocktails ，一杯Breaking Bad，甜甜的。一杯Big Bang，香濃芒果加菠蘿味。店員介紹我哋食炸魚塊墨西哥玉米餅，果然無介紹錯，賣相出色，炸魚塊加檸檬汁味道突出。再叫一個羊肉加豆墨西哥卷餅，因為我同朋友都好鍾意食羊，所以呢一道菜我哋都特別喜歡。羊肉味香濃，因為加咗豆類，所以唔會感覺淡淡都係肉，取得一個平衡。呢個菜都係有少少辣嘅，充滿墨西哥嘅特色。今晚滿足晒視覺同埋味覺嘅享受。