卷王 (已結業)

食完肥姐都未夠喉，見對面有間好似食日本嘢嘅，即刻殺咗過去。一睇原來係食手卷嘅，流曬口水，啱曬我，手卷又係我至愛。睇張poster款款都咁吸引，款款都想試吓。落咗單之後好快就整好啦，哇，一睇手卷嘅份量都幾足吓，賣相仲好得，有埋個紙托俾你方便拎住黎食。收銀側邊有幾款醬汁俾你自由選擇。- 三文魚手捲甜蝦（$28）一個手卷有兩塊三文魚同兩隻甜蝦，三文魚夠新鮮，甜蝦好鮮甜，而且都唔會有雪味，正！- 蔥粒吞拿魚三文魚手卷（$32）勁推哩個手卷，三文魚好新鮮，吞拿魚蓉上面有啲芝麻同蔥粒，加埋啲醬汁一齊食，勁好味，要讚吓佢啲紫菜，食到尾都keep住咁脆，掂！