二八火鍋 (已結業)

呢間餐廳好大間有2層咁多,我地坐左響樓下禁煙區,呢度食物選擇好多,我地叫左一個粟米椰子湯底,湯底好清甜,我地仲叫左一碟吊龍牛肉,呢度既牛肉係手切同埋肉質好嫩滑同新鮮,再之後就叫左D小食好似涼拌皮蛋,少少辣加蒜香同皮蛋好夾,脆炸蝦餅真係用左蝦肉手打成蝦餅再炸到金黃色外脆內軟,呢個小編推介仲有其他打邊爐配料好似四寶丸咁手打牛丸,豬肉丸,墨魚丸同埋蝦丸呢四款,墨魚丸既口感彈牙好有墨魚香味,呢度既食材用料新鮮。