朱敏記桑拿菜 (已結業)

好耐無去土瓜灣行吓，見今日幾好天，同屋企人揸車去土瓜灣順便食埋晚飯先返屋企。上網見呢間朱敏記桑拿菜都幾多人推薦，粵菜小菜呢啲最岩我屋企人，仲有火鍋、海鮮添！下次再約多啲人可以試多啲唔同菜式～先叫咗個鵝腸，口感Q彈帶韌，食落好有嚼勁，鮮爽得黎又入味，完全唔會有騷味，餐廳處理得好好~見到有沙姜吊桶，未食過即刻叫黎試吓先！新鮮吊桶特別鮮甜，食落爽嫩惹味，鮮味十足！加入沙姜同煮，獨特芳香中帶微十微辛辣味，提升味道層次！