浪人日本料理 (已結業)

今日係星期五,是日限定係吞拿魚三色丼! 前菜二點分別有蜆肉同帆立貝裙,甜甜鹹鹹好惹味. 沙律正正常常. 茶碗蒸做得好好,又滑又香蛋味!! 麵豉湯就正正常常.主菜吞拿魚三色丼有中拖羅丶大拖羅丶火炙赤身丶拖羅蓉丶三文魚子. 雖然拖羅未夠肥美到會溶喺口,但入口都甘香鮮甜,而且切得夠厚,口感尚算不錯!! 赤身好香好濃味!! 拖羅蓉都好美味!! 三文魚子份量都好多,好味! 至於個飯,軟硬度適中. 酸薑都幾好食,反而個wasabi個人覺得唔夠味. 總括嚟講,喺中環算係大件夾抵食,難怪日日都滿座!