Pokéworld (已結業)

一個禮拜去左Pokeworld食2日lunch。原因無他，就係因為好食，食材新鮮，份量又夠，滿足到我想食刺身飯嘅癮。第一次去叫左半salad & 半sushi rice做base，刺身我揀左三文魚同吞拿魚，而我frd就揀左三文魚同八爪魚。Dressing方面好flexible，可以飯同沙律菜揀唔同醬。我就刺身飯揀左wasabi mayo，沙律揀左芝麻醬，另外有幾款免費配菜揀，再揀左飯素同紫菜，擺完之後個poke rice bowl勁豐富 食完夠哂飽又滿足，我同我frd都話好好食，絕對encorable 第二次去都係好老土揀左三文魚同吞拿魚 刺身飯嘅醬就試左柚子醬油，好好食又比較清新，冇mayo咁heavy 今次加$12要埋半個牛油果，其實牛油果配魚生飯真係好好食！另外加$8要左碗miso soup，清清地冇味精，personally都幾欣賞 由於上次覺得飯太多，今次要求左少飯多菜，魚生因為佢係好random咁“不”，份量就比上次少左dd但都acceptable的。呢間除左rice bowl，仲可以揀壽司卷、全沙律、鰻魚飯(warm server) 等我黎緊試埋佢先！