尚鮮日式燒肉漁市場 (已易手) 新餐厅

今日難得放假，就去左銅鑼灣行街街啦。經過見到樓下有人派傳單，好似好吸引喎。之前都好似食過一次，一於再試下先。上到黎見到，呢度環境好好，全部都係卡位。而且有呢個抽油煙既工具，咁就唔使怕食到成身臭臭啦。呢個海鮮拼盤真係超正超新鮮，又夠大隻。入面有帶子啦，蝦啦，蟹啦，生蠔啦，仲有鮑魚tim。雖然呢度唔係專食刺身既，不過呢度既刺身都好新鮮。食落唔會有雪味，仲舊舊都好厚tim。而壽司方面，都有唔少款揀。呢個火炙牛拖羅壽司我就覺得最正啦。外面熱熱地，舊牛亦都好香好重牛味。最後仲有甜品，movenpick雪糕，為呢個豐富既一餐畫上左完美既句號啦。呢餐計返都係300幾一個人，但質素超好，性價比高，下次都一定要再黎食呀。