大西洋火鍋

今次去大西洋火鍋打邊爐真係幾過癮！入到去一坐低，就即刻揀湯底先，我地叫左好吸引，麻辣湯底同金湯花膠雞，湯底仲有一啲其他特別嘅選擇，好啱鍾意試新野嘅朋友。

最開心就係佢哋有好多食材我都鍾意食，特別係黃鱔、鮑魚、牛肉同埋其他新鮮海鮮(即撈)😍

黃鱔個口感超滑，湯底吸咗啲鮮味，好開胃！牛肉就咸香滑嫩，搭配辣椒醬汁係正，仲有蟹同埋花蛤，係海鮮控嘅天堂，我地食果時啲蝦岩岩先送到黎，所以都係好新鮮，

最特別就係仲有椰青同新鮮榴槤！椰青清甜，飲一口超級解渴；至於榴槤，啱啱打邊爐之後嚟一啖，榴槤控記得要試下啦！

總括嚟講，質素比我想像中好，下次再帶屋企人/朋友一齊黎食先！