勝八居酒屋 (已結業)

居酒屋既佈置再播住日文歌，飲住柚子酒零舍嘆😀人流愈夜愈多，好彩約早咗朋友黎。店員都好友善招呼我地，仲推介時令鮮魚。首先叫咗個軟殼蟹溫泉蛋沙律開下胃先，啲蟹熱辣辣炸得好脆，配搭沙律菜，仲有豆苗😋熟既秋刀魚我就食得多，第一次食秋刀魚刺身，一攞起舊肉就聞到好鮮，食落去腥腥羶羶，肉質軟綿，感覺好特別，係特別好食。反而友人對啲腥羶味麻麻地😂好難得品嚐得到佢既刺身，喱幾個月係盛產期，啲魚先咁肥美🐟旁邊透白肉質薄薄一片係魴鮄刺身，味道清甜，咁薄一片都食到係爽口的。左口魚邊壽司and拖羅筋壽司入口滿是油香啊，好正🤗一邊燒一邊攪均，就咁食已經極品，啖啖蟹膏鹹鮮味係口中久久不散，配麵包也一流。