家賀屋刺身寿司專門店

今日舊同事話帶我食好野，搵到間靜靜嘅地方食飯聚下舊。呢間日本餐廳環境幾好，店舖唔算太大但座位好寬敞，好適合約埋三五知己上去吹下水聚下舊。今次叫左好多野食，再加上有波子汽水同玫瑰汽水等non-alcohol drinks 提供, 配撘埋壽司同刺身簡直係perfect match!首先介紹一下呢個吞拿魚腩刺身 ($260) 入口即溶，兩個字"新鮮"，十分推介！因為本人很愛海膽，見到呢個海膽豆腐 ($50) 覺得好有趣，即叫 ！食落先知海膽配豆腐都幾夾，又唔會搶左海膽獨有嘅美味。真係要讚一讚呢個牛油果三文魚米紙卷($75) 都好特別好fusion, 呢幾樣食材放係一齊食好清新又唔膩。另外亦試左炸軟殻蟹（$58）外脆內軟，同餃子雞翼（$48)好juicy 。特選壽司 $12一件無馬虎，有心做。總括黎講呢間餐廳不論環境食物員工態度衛生都about average ，價錢又合理。上班一族放工後又多個好去處。