一肥貓古祖味蛋糕 (已結業)

今日試咗想試好耐嘅古早味蛋糕，我1點半左右到左，排第7個。佢1點50分出爐， 見佢排隊嘅人唔算太多，就試下啦。呢轉排嘅係原味古早味蛋糕($55)，買左2個。 佢有限每人最多只買兩件， 同埋一轉出20個(好似係😂)一舊嘅長度都有成隻手再長啲啲，而且都幾厚同埋食落口好軟熟。 佢嘅味道唔算太甜， 雞蛋味都幾重。 個人認為都幾好食，因為本人鐘意唔太甜嘅蛋糕，呢個就岩哂我。 同埋份量都幾大㗎。下次見不太多人再試芝士味同肉鬆味先。