快靚正燒味粉麵茶餐廳 (已結業)

本來夜晚約了友人食飯，誰知最後被放發機，唯有轉戰去陪屋企人食飯，為了方便唔使煮到大汗淋漓，最後選擇了去斬料加餸。這間在西九龍中心對面的燒味店，燒味每日新鮮製作，賣完即止，除了外賣燒味，還有堂食。燒味價錢都不算便宜，但勝在新鮮。燒腩仔外皮鬆脆，肥瘦均勻，有豬肉味，不是街邊幾十蚊貨式可媲美，食落有肉汁，不會燒得太乾及太咸。半隻油雞煮得入味雞味嫩滑，中間不會有血水，雞皮都有雞油香味。本來點了兩樣燒味就算，但見乳豬新鮮出爐，忍唔住再要了一斤，反正五六個人都應該可以食完，乳豬外皮比燒腩仔更脆，咬入口真係卜卜聲，下面的豬肉薄薄一層，真係食到肚滿腸肥。