Dee Dee Bakery (已結業)

今天去銅鑼灣聽講座，放學後途經堅拿道東，睇到間新開嘅麵包舖，門口有個大貓咪裝飾，好奇心走入去睇睇。啱啱有麵包新鮮出爐，聞到香味就買咗幾個，準備第二日當早餐。日乳麻糬外皮軟糯，奶香濃郁，口感相當不錯。Dee Dee Bakery嘅日式紫薯布蕾法式麵包幾抵買，份量大，紫薯同布蕾口感滑溜，店員仲即場幫忙燒個焦糖面，賣相立刻加分。紫薯排飽裡面嘅紫薯餡料相當豐富，入口有雙重嘅紫薯口感，紫薯味突出。作為芝士控，當然大推雙重芝士虎皮吐司！除了濃郁嘅芝士味外，仲加入芝士條喺麵包入面，口感層次豐富。火腿和芝士經常相互搭配，加埋酥皮包，簡直系完美嘅組合。店員非常友善，產品誠意十足，價格亦合理，下次經開，值得再試試其他口味！