雲壽司 (聯成商業中心) (已結業)

今日一個人去到銅鑼灣，想食晚餐嘅時候行過呢間雲壽司，一個人去食日本菜似乎都係一個唔錯嘅選擇，叫一份刺身丼，一個價錢可以食到多款新鮮嘅刺身，就算一個人食都可以食得豪華。北海丼（$188)北海丼用料豐富，一款丼有齊有吞拿魚腩、油金魚、三文魚、赤貝、海膽、三文魚子同埋赤蝦。刺身以呢個價錢來講都幾豐富，而且質素唔錯。最吸引到我嘅眼球竟然唔係我平時最愛嘅海膽，而係靜靜係一角既赤貝，呢度嘅赤貝竟然係用咗原隻赤貝嘅刺身，係香港壽司店少見嘅，非常爽甜新鮮。另外吞拿魚腩鮮嫩粉紅，油脂豐腴，鮮甜味美；海膽味道甘甜，質感細膩，入口即溶：三文魚、油甘魚厚切肥美；赤蝦爽口彈牙。