豊勝手丼 (已結業)

尋日經過銅鑼灣，好想食日本嘢於是就去咗呢一間食丼飯嘅餐廳。佢返嘅種類都好多而且賣相好吸引，每一種飯都有自己嘅特色又唔會太雜。因為我想食海膽又想食魚所以叫咗一個海之幸丼，咩都有，甘價錢都相對貴啲食飯之前就叫咗個桃味梳打，甜甜地幾好味到個飯出場了，實物唔會比餐牌上面嘅圖片失色， 所有材料都好新鮮，賣相都好吸引好想即刻食咗佢。裏面有海膽，大拖羅，三文魚子，牡丹蝦，仲要有松葉蟹添。牡丹蝦非常之鮮甜，海膽唔使講新鮮，帶拖羅真係入口即溶，非常之軟流，油甘魚都好好食。食完個飯都非常之滿足，因為樣樣材料都好新鮮，好上等。我自己都食過好多間類似嘅，但係呢一間係自己比較鍾意，因為每個飯都好似有個主題一樣，唔會好似其他嘅鋪頭咁樣，只不過係將啲唔同嘅刺身擺埋一齊。