新餐牌晚餐多咗好多選擇，A至V成22款，價錢有$69至$248不等，總有一款啱心水。
晚餐依然附送餐湯和包，一樣可選蕃茄湯或龍蝦湯，味道同之前一樣咁濃烈。餐包就換咗脆多士，crack crack聲好脆！點湯都唔錯！
主菜我哋要咗個「W M馬賽虎蝦海鮮湯燴意大利飯」（$158），估唔到幾多餸喎，除了一隻大虎蝦，仲有幾件魚柳、青口、蜆，和一粒大帶子，加上濃郁嘅蕃茄湯配意大利飯，好配合，又好好味！
另外「燒紙包西京比目魚柳配焗雜菜」（$148），用焗爐紙包住原碟上，裡面除咗比目魚仲有一大片檸檬和西蘭花、雜菇，味道清新，魚肉軟身，由於用焗紙包住，好能保存到魚汁，原汁原味！
新餐牌既晚餐可自選配啡茶或甜品，亦可以加錢轉其他，我哋就轉左一杯caffe mocha同一杯熱情果菠蘿梳打，兩杯都足料好味！
