新源興雲吞麵專家 (已結業)

已經有一年多沒有嚟正街食嘢，與朋友去到新源興的舖位時，看到舖內的擺設不同，以為舖頭已經執左，但抬頭看招牌仍是一樣，於是向店員查詢，他表示新源興於年多前已經轉手了。不過看到該舖的雲吞及水餃仍然是自己人手包及做的，故亦入去嘗試。 裡面的擺設由以前的圓枱改至類似卡位形式，感覺舒適及私人空間感大左。看看餐牌，食物類型與之前有些不同，款式亦比以前少左。再次嘗試雲吞、水餃依然好食，蝦好爽，湯底用左大地魚煲，感覺清香。我們還點了清湯淨牛腩、南乳豬手飯、沙薑雞飯、炸醬撈麵及清湯蘿蔔。食牛腩時感覺比以前還要好吃，原來老闆係用左新鮮的牛腩，配埋牛腩湯，正呀! 我連牛腩湯都飲光哂 (雖然價錢比以前貴，要$50，清湯牛腩麵要$25，不過真係一分錢一分貨)；南乳汁味道夠濃，撈飯一流，豬手亦夠'林'；炸醬撈麵中用的肉原來係豬頸肉，很有口感，醬汁較辣，愛吃辣的人應該會鍾意；沙薑雞的雞肉夠滑，味道亦不錯。價錢方面雖然比以前貴左，但味道確是比以前好吃多了，點30元或以上的飯類或撈麵就送飲品，都算抵食，大家可以不妨一試。