Simply (已結業)

大角咀越來越多Cafe 最近去咗喺富多來嗰邊嘅Simply 價錢好親民 而且質素都唔錯👍🏻相信我呢個街坊都會經常去Lunch set有湯或沙律/主菜同飲品 可以優惠價追加小食🍽️當日嘅係甘筍湯 好creamy好濃郁 真心已經令我覺得驚喜✨ꕥ 香草燒春雞半隻可以自選配飯/薯菜/意粉 半隻嘅份量都幾大🐣外層燒至微脆 肉質竟然嫩滑(普遍喺出邊成日食到嘅春雞都比較嚡😵‍💫)燒汁惹味嘅 喺另外一個器皿 可以因應返口味自己點ꕥ 三文魚扒伴黑松露意大利飯本身個set應該係比目魚 不過當日售罄 所以轉左三文魚🐟三文魚夠油份 煎得幾香 而個飯都值得一讚 軟硬適中 有黑松露香氣之外 牛油味亦都突出🧈ꕥ 蜜糖柚子雞翼炸得幾脆 落咗汁都keep到個口感 甜中帶微酸 幾開胃餐本身包嘅飲品有檸檬茶/檸檬水/即磨咖啡/americano/蜂蜜柚子茶☕️或者可以加錢配果汁/梳打/冷泡茶等等