漁一海鮮火鍋料理 (已搬遷) 新店位置

行過見到有間新開嘅打邊爐鋪頭，話全單六八折，好似好抵咁！所以就衝入嚟試吓啦😌餐廳唔算好大，但感覺乾淨衛生👍🏻食物種類都算多，豬、牛、羊、雞、海鮮，連小食都有，唔驚冇嘢食!首先我地叫咗個湯底先，呢個係花雕醉雞鍋，半隻$139！一上枱已經聞到濃濃嘅嘅花雕味，正雞件都醃過，所以充滿花雕味！食落又滑又嫩，唔錯😊如果嫌唔夠味，佢仲有一堆調味，誠意推介佢個XO醬，香得來帶少少辣，唔錯！打邊爐又點少得肥牛哩呢個係新鮮手切本地肥牛$339！食落肉味香濃，加少少豉油一齊食，正之後係手打四寶丸$89，食落爽口彈牙，值得推介！最後加多個生菜，二個人食夠晒飽，加上佢已家做緊優惠，抵食