뽀끼 正宗韓國小食 (已結業)

前排經過登打士街附近，肥姐旁隔離開左間新既韓式小食店 (不設堂食)，入面仲見到有韓國店員呢 (可能係老闆!?!)，感覺很親切，仲擺晒Pose比我地任影唔嬲。.前方仲擺放左一大鍋炒年糕，呢度既炒年糕仲可以加錢加Topping，有粉絲卷/餃子/芝士/雞蛋/泡麵選擇，呢種方式都係第一次見，感覺又幾好啵。.小食類當然有小妹至愛既醬烤雞同星星炸雞；亦有韓式炒粉絲/炸醬麵/壽司卷和炒飯等。價錢都係三四十蚊，唔貴。.韓藉美女店員與奧丁 .不過食飽飯既關係，小妹剩係叫左個醬烤雞 $38。熱辣辣炸起既烤雞，食落香脆惹味，雞肉頗嫩有肉汁，不過醬汁就少左點，如果可以多點醬會更好，有機會想再試埋其他小食。