亞蘇爾 (新城市廣場) (已結業)

行沙田新城市廣場見到呢間亞蘇爾，之前唔覺眼，應該都係新開嘅，見到食葡國菜，二話不說入咗餐廳一試。葡國雞配白飯作為招牌菜之一，當然唔會錯過呢個葡國雞啦。感覺雞嘅選料都幾香滑，唔算非常煙韌，份量ok，葡國雞汁點飯係絕配。芝士馬介休球大概有六七件，芝士餡，上菜熱辣辣趁熱食超好味。另外配有沙律醬同埋小辣醬，仲有沙律配菜，賣相吸引，味道都唔錯。辣肉腸炒雜菜，點呢碟菜貪佢夠健康。辣肉腸唔算好辣，雜菜嘅成分豐富，有粟米、火腿、椰菜、菜心等等，所以食落口感層次豐富，唔算非常油膩。飲品方面點左特飲，分別係薄荷朱古力沙冰同埋芒果柚子沙冰，喺夏日炎炎飲呢啲沙冰就最適合不過啦，有解暑作用。價錢方面，埋單400蚊兩個人可以接受。最衰飽得滯，如果唔係走嗰陣另外再加個葡撻作甜品，因為門口見到有啲葡撻好似好吸引，下次有機會再試。