更多
2019-03-30
66 浏览
moko商場不嬲都好多唔同嘅餐廳,忽然間好想食日本菜又見到呢間餐廳嘅店面好靚,所以就入咗去啦。餐廳嘅空間好大,店員態度亦都好好。我同朋友見到呢間餐廳好似出名食牛肉,所以就分別叫咗一個燒和牛肉丼伴溫泉玉子同埋松葉蟹膏飯,仲加咗個草莓芭菲!和牛丼嘅牛肉肉質好鮮嫩,牛味仲好濃,配埋溫泉玉子都唔會覺得好濟,真係好好味!朋友本身都唔鍾意食蟹膏,但係就食得好滋味,仲話未試過咁好味嘅蟹膏,簡直令人對蟹膏刮目相看。但係草莓芭菲相對冇乜特別,比我哋滿足一下少女心咁啦!
张贴