Goldfinch (已結業)

上環開咗間fusion餐廳，聽同事講唔收加一之餘仲有新開張優惠仲有85折😍，今日就過咗嚟食晏。環亞好清雅，有啲法國小餐館feel。Lunch set 有幾款揀，啲嘢食偏西式，但每碟又有啲中式元素，幾得意。下次放工過嚟試下A la carte先，都係唔收加一，好掋食。我就嗌咗個lunch set，包麵包、前菜、主菜同餐飲，餐飲可揀menu上嘅所有咖啡或茶。個麵包有驚喜，烘到熱辣辣拎岀嚟，外脆內軟非常美味。沙律配杞子烤南瓜 - 前菜嘅沙律一啲都唔馬虎，沙律菜好fresh，加上杞子同烤過嘅南瓜烤更能帶岀甜味。配上油醋更唔怕膩，食得岀個油同岀面有啲唔到，帶點青蘋果同清新風味。阿根廷草飼西冷（$248）- 塊扒唔錯，幾嫩滑同juicy。用埋味噌牛油汁好夾，伴碟有香茅焗新薯、椰菜花、西蘭花沙嗲，好豐富。Espresso tonic - 賣相好得，飲落仲好好清新，tonic又唔好蓋過咖啡味。