型點特色點心專門店

营业中

休息中

今日食左大埔呢間新開嘅點心店點心賣相精緻味道好 可惜其中兩樣招牌野賣晒🥲食左11樣野連埋茶錢都唔洗400蚊 抵食呀上湯金魚餃整到好似真金魚一樣 菜苗蝦肉餡好爽甜流沙豬仔包好得意 除咗有豬頭仲有豬patpat 流心效果一流燒汁牛柳南瓜球牛柳餡版本嘅鹹水角 幾香口脆皮bb鴿估唔到呢種細細間嘅點心店都有乳鴿賣炸到皮脆肉嫩好好味呀 脆皮紅米腸腸粉入面包咗一層脆脆夾住蝦肉餡 口感豐富黑椒牛仔骨腸粉煲惹味香口 比起黑椒更加食得出蒜香牛仔骨軟嫩唔怕韌 腸粉索晒啲汁好好味其他點心都好有水準 燒賣大粒過乒乓波下次早啲去試下招牌糯米雞係咪咁正先