牛陣 (卓爾廣場)

营业中

休息中

好開心呀！勁中意打邊爐嘅我一知道牛陣開係卓爾居已經好期待，夠晒近屋企，最開心平平地落街食個lunch已經可以任食Häagen-Dazs雪糕😍呢到係一人一鍋，自己揀鐘意嘅口味，唔駛就人都幾好🤣跟住就係出去筆醬料，好多款！起碼有成18款嘅配料，貪新鮮嘅我咩都試下，其中有隻18禁嘅辣椒油🔥🔥🔥🔥，鐘意食辣嘅朋友一定要試！水未滾嘅時候仲可以出去攞熟食，炸雞🍗、薯條🍟、關東煮🍢呢日我地叫咗最高lv嘅*日本產特選黑毛和牛*，即叫即刨，和牛嚟自集團喺日本營運嘅農場，都幾重牛味，同我揀嘅壽喜燒湯底好夾，輕輕一淥，肉質好軟滑😍呢個lv仲包咗海鮮，整體都唔錯，鳳尾蝦、扇貝、原隻魷魚仔我地都再叫咗幾次兩個人清咗第一輪之後，就試下低一個lv嘅*日本產黑毛和牛*，估唔到又幾靚喎！無咗特選嘅脂肪邊邊位，雪花都係咁均勻除咗無限嘅肉類同埋海鮮之外，出面仲有好多新鮮嘅蔬菜，有隻薯粉好特別，有黃色、綠色、紫色，咬落煙煙韌韌，平時好少見呢款薯粉。野飲方面，有宜家打邊爐好興嘅無糖茶，我試過玫瑰茉莉茶，幾清香，解膩一流對於雪糕怪嚟講，最最重要嘅雪糕環節有4隻味嘅哈根大師雪糕😍我筆咗4大碗！