牛極 (馬頭圍道) (已結業)

作為土瓜灣居民，一直好想附近有得食下扒，但又唔想次次走到去黃埔咁遠！最近附近就開咗一間牛極，呢間嘢聽就聽得多，終於可以一試！點牛係按重量計錢，詳情可見上圖。佢另外亦有午餐。無論叫午餐定牛扒都可以免費享用沙律吧 & 白飯例湯任裝！沙律可以配胡麻醬或柚子醋，配合返唔同口味人士。羅宋湯就比較淡，我地已經係一開門就入去，但都無咩料淨。我就叫咗燒鰻魚套餐（$65）加可樂（$10）鰻魚份量比想象中大，都有兩三片！魚下面亦鋪咗一堆椰菜，唔洗擔心熱石會整燶啲魚，都幾貼心。呢個價位嚟講，十分抵食。另外叫咗一個牛肩排180g ($80)當係一個午餐既話，份量十分足夠。一上盤既時候近乎raw，可以按自己既口味煎熟塊扒，牛肩肉入口即溶，油脂感亦夠，值得一試。醬汁方面，佢有燒牛肉汁同辣醬比大家選擇，桌上亦有胡椒、香草等比大家調味，架撐都好齊備。