影片
更多
2019-04-09
36 浏览
最近真係有啲忙，喺Facebook見到呢一間新開嘅日式鐵板燒肉放題，就一心諗住過嚟試一試，無奈地因為今日突然之間要加班，原先book咗嘅時間都要取消。最後要男朋友等我接近1.5 鐘嘅時間，最後八點半先至趕到尖沙咀。晚上八點半嘅時間先食野已經餓到個人開始暈暈地😂😂😂 一坐低餐廳嘅職員已經安排左一份貼心嘅日式刺身，刺身嘅份量按人數有所增加，超肚餓嘅我一見到當然唔可以錯過啦！呢度嘅日式刺身好足料，所有魚刺身都係厚切，口感超級實在，最鍾意嘅係佢呢度嘅蝦刺身，新鮮程度雖然唔係話好好好好鮮甜，但蝦嘅肉質好實在，所以食落去嘅口感都唔錯架當中最鍾意佢呢度嘅希靈魚刺身，帶子，以及螺肉，帶子雖然係切粒， ¼嘅份量示人，不過食落好好味！螺肉有肉質嘅口感，所以刺身來講呢度相當唔錯，可以繼續encore呢度嘅鐵板燒位置相當特別，每一圍枱前面都會設有一位師傅喺面前即場整鐵板燒，剛好係我前面嘅係芝士帶子，師傅會即場喺前面將帶子煮熟，相當之吸引!雖然叫做芝士帶子，不過之前未算十分濃郁，淡淡的芝士味唔會搶奪左帶子嘅味道，而且帶子口感恰到好處，食落去好有質感，最後同男朋友食咗超過六隻燒牛舌，見到張相都已經知道燒嘅程度唔會
晚上八點半嘅時間先食野已經餓到個人開始暈暈地😂😂😂 一坐低餐廳嘅職員已經安排左一份貼心嘅日式刺身，刺身嘅份量按人數有所增加，超肚餓嘅我一見到當然唔可以錯過啦！呢度嘅日式刺身好足料，所有魚刺身都係厚切，口感超級實在，最鍾意嘅係佢呢度嘅蝦刺身，新鮮程度雖然唔係話好好好好鮮甜，但蝦嘅肉質好實在，所以食落去嘅口感都唔錯架
當中最鍾意佢呢度嘅希靈魚刺身，帶子，以及螺肉，帶子雖然係切粒， ¼嘅份量示人，不過食落好好味！螺肉有肉質嘅口感，所以刺身來講呢度相當唔錯，可以繼續encore
呢度嘅鐵板燒位置相當特別，每一圍枱前面都會設有一位師傅喺面前即場整鐵板燒，剛好係我前面嘅係芝士帶子，師傅會即場喺前面將帶子煮熟，相當之吸引!
雖然叫做芝士帶子，不過之前未算十分濃郁，淡淡的芝士味唔會搶奪左帶子嘅味道，而且帶子口感恰到好處，食落去好有質感，最後同男朋友食咗超過六隻
燒牛舌，見到張相都已經知道燒嘅程度唔會煮得太乾身，味道方面如果可以調味再濃啲會比較好
因為頭先嘅刺身有啲唔夠喉，最後另外在叫咗赤貝及帶子，赤貝真係好新鮮架！呢一個我覺得食落帶點甜，少少爽脆～好味帶子唔多介紹啦！因為都係encore再食嘅~之後都再食多左一round
壽司方面都有幾款，最後我叫咗呢一個芥辣八爪魚軍艦，壽司都係即叫即做，所以紫菜食落去十分脆身，芥辣八爪魚好攻鼻，而且八爪魚咬落好有質感，但有少少彈牙，呢一個真係我最鍾意食嘅壽司，之後都再order咗幾件~
左口魚軍艦，原先以為係左口魚壽司而非軍艦，最後嚟到個樣子有少少失望，因為左口魚有用火炙燒過關係，比起出邊食開嘅油甘魚油脂口感比較少，但係食落都唔錯可以一試
有芝麻雞翼嘅地方我一定會叫，脆卜卜嘅炸雞翼入面依然好juicy，好鍾意食惹味嘅我當然唔可以錯過啦！
最後再叫左幾份先翠玉瓜，燒菠蘿，同埋雞髀菇雞髀菇燒得啱啱好，咬落去仲有水份溢出，翠玉瓜都係喇！兩款都係好好食，如果兩者當中要我揀我會揀雞髀菇，因為自己燒雞髀菇真係唔會燒到有呢一個質感
最後~食放題當然唔可以錯過甜品區啦！甜品有哈根大師嘅雪糕，我自己就選擇左最鍾意食嘅朱古力味，男朋友就揀咗香蕉味呢間鐵板燒日式放題嘢食嘅選擇唔算太多，主要以鐵板燒以及刺身壽司為主，其他嘅熟食類種就比較少，炒菜都食左不過一般般, 我自己就唔係咁中意, 呢個可以唔使叫, 反面推先燒翠玉瓜同雞髀菇, 呢2個真係唔錯!!
比起其他嘅日式放題餐廳呢度主打係食燒羊架等等... ... 因為最近開始盡量想食少點肉，所以就冇叫到佢哋最出名嘅燒羊架，不過見到在場有好多人都食燒羊架，相信味道都唔錯！不過我就冇機會試到喇~~~
张贴
