影片
更多
2023-12-30
21 浏览
呢間長沙灣新開嘅韓燒，裏面裝修好復古懷舊，用上多盞水晶燈，望落又幾華麗！餐廳主打佢哋嘅牛油熟成五層肉，仲有幾個套餐可以叫，性價比更高！平日晚市嚟到，已經坐滿人，見到有啲walk in嘅客人都入唔到，想試一定要book位！------------------------------🥓◖會長王牌套餐◗ $398套餐包咗佢哋個特色牛油熟成五層肉同蔬菜拼盤，另外仲喺套餐Menu度自選兩款肉類，擺盤質素都唔錯！/招牌牛油熟成厚切五層肉🐖用咗海鹽牛油包裹，熟成咗七日嘅五層肉，肉質更軟嫩多汁，帶淡淡嘅牛油香氣。每面燒2分鐘，然後店員會過嚟幫手剪開佢，再燒一燒側面，燒完出嚟外層焦脆，口感爽脆，唔會覺得好油膩！
/特級牛肩脊🐂牛肩隻薄片咁樣，燒幾下就可以反面，脂肪唔會太多，牛味濃郁，夠香口
/韓式醬牛五花🐂口感稍微似肥牛，牛肉先用韓式醬醃製過，再加入少少蒜茉，甜甜地幾香口
/烤燒菜拼盤🥬蔬菜拼盤有翠玉瓜、冬菇、南瓜、洋蔥同菠蘿，啱啱可以燒一燒滯，仲有生菜可以包五層肉一齊食，中和返育嘅油膩感！🍖◖西班牙黑毛豬肋條◗ $68豬肋條嘅脂肪偏多，燒嘅時候可以逼出好多油，出到嚟又唔會覺得膩，咬落口感比較爽脆
------------------------------
🥓◖會長王牌套餐◗ $398
套餐包咗佢哋個特色牛油熟成五層肉同蔬菜拼盤，另外仲喺套餐Menu度自選兩款肉類，擺盤質素都唔錯！
/招牌牛油熟成厚切五層肉🐖
用咗海鹽牛油包裹，熟成咗七日嘅五層肉，肉質更軟嫩多汁，帶淡淡嘅牛油香氣。每面燒2分鐘，然後店員會過嚟幫手剪開佢，再燒一燒側面，燒完出嚟外層焦脆，口感爽脆，唔會覺得好油膩！ /特級牛肩脊🐂
牛肩隻薄片咁樣，燒幾下就可以反面，脂肪唔會太多，牛味濃郁，夠香口 /韓式醬牛五花🐂
口感稍微似肥牛，牛肉先用韓式醬醃製過，再加入少少蒜茉，甜甜地幾香口 /烤燒菜拼盤🥬
蔬菜拼盤有翠玉瓜、冬菇、南瓜、洋蔥同菠蘿，啱啱可以燒一燒滯，仲有生菜可以包五層肉一齊食，中和返育嘅油膩感！
🍖◖西班牙黑毛豬肋條◗ $68
豬肋條嘅脂肪偏多，燒嘅時候可以逼出好多油，出到嚟又唔會覺得膩，咬落口感比較爽脆，夠香口！
🥩◖M6澳洲肩胛牛柳◗ $68
呢個牛柳必叫！肉質偏瘦，牛尾濃郁，咬落去軟腍多汁，加上燒肉嘅焦香，好食！
🍙◖醬油蟹膏蟹子拌飯◗ $108
先將醬油蟹膏、蟹籽同蛋黃撈埋一齊，口感超漿口，加上蟹膏嘅鮮味同蟹籽嘅爽脆，送燒肉食一流！
🍑◖奶油桃桃烏龍奶茶◗ $58
上面唧咗一層奶油，烏龍奶茶嘅奶味幾出，又唔會蓋過咗蜜桃嘅香味，唔會好甜，啱啱好！
🥤◖百香果梳打◗ $28
百香果酸味味咁，加上夠氣嘅梳打，飲落超gur！
🌟Encore指數：8.9/10
张贴
