Honbo (已結業)

平時食burger 會驚佢好漏，但係呢一間真心超好食😍一坐低，職員勁有心機同我哋介紹個menu 有咩好食，咁我哋就揀咗兩個比較受歡迎嘅嘢飲，apple pie ice tea 同mike’s lemonade Apple pie ice tea 嘅肉桂味好出色，但係又唔會太甜😍飲到係用新鮮蘋果去榨汁，唔係大牌子蘋果汁開水🥳Mike 原來係舖頭創辦人個名，係一杯好fresh 嘅飲品，青檸同青瓜嘅味道都好出，飲落去少少酸，可以中和漢堡嘅飽腹感😗叫左個cheese burger , 一塊四安士嘅牛肉，另一個係佢哋嘅王牌honbo ，兩塊兩安士嘅牛，一食落去就知道所有嘅牛肉都係自己整仲要冇落鬆肉粉😍因為個人好討厭食鬆肉粉，一食就知！同埋咬落口冇肥肉🤤聽佢哋講，每日牛肉都係新鮮即刻整，朝頭早七點就要開始準備所有材料👍🏻平時快餐店我一定係走青瓜，今次呢個青瓜，反而令我食唔停，因為個青瓜係自己醃製，唔會太鹹，亦都唔會太酸，令到overall 冇咁漏😋叫咗兩款薯條，一個係普通薯條，令一個係芝士薯條。普通薯條會配一個自家製嘅醬，個source 有小小辣，將薯條昇華左😎個芝士係最邪惡😈😈😈份量好足😎