潮州鹵漢大飯店 (已結業)

香港首創滷水鍋，封門柳任食🐮估佢唔到又幾好食，至少我無停食足120分鐘嘢食種類其實佢都算唔少，而且佢份量好的骰，啱晒我呢啲眼闊肚窄乜都想食嘅人。無論係牛羊豬雞魚，丸餃滑，菜瓜都好齊，而且上菜好快，唔會偷工減料。質素不錯👍平時豬紅鴨血多數二選一，呢度兩樣都有得食。蝦幾新鮮鋪面好有特色，連啲餐具都好特別。放垃圾嘅痰罐好精緻，要問先知佢係放垃圾，大鄉里的我🤣無論肉類，蝦，魚定菜都真心新鮮，我先會食到無停過。店員推介呢個鍋底要加鵝腸，醒目嘅我一早已經落咗，鵝腸加呢個湯底真心唔錯，第一次食鵝腸嘅我覺得好好食，唔會有好核突嘅感覺。粟米超級甜，勁好食佢連小食都有，個豬手好好食，鳳爪都唔差醬料嘢飲都係自助形式，嘢飲種類其實幾多，仲有四款自家嘢飲，今次就試咗佢嘅玫瑰茶，佢主要係用茶包所以唔算好濃，但清清地可以清腸胃。