Poking

同女朋友去完中環大館行藝術展，想搵間健康輕食嘅Hawaii Bowl，估唔到係中環蘇杭街搵到間新開嘅Poking。佢哋有六款餐廳自訂嘅Hawaii Bowl，又可以好似車仔麵咁，自己選飯底、煮食、配料等。我選咗糙米飯加沙律菜、八爪魚粒、豆腐、飛魚子、雞蛋絲、柚子醬、指天椒、日本飯素、脆炸蒜粒。女朋友選了沙律菜、香煎雞扒、牛油果雞蛋絲青瓜、餐廳自製醬油、紫菜絲、木魚絲 及芝麻碎。一碗$100唔使，就係咁豐富豐富。整體嘅飯菜配料都好新鮮，尤其嘅八爪魚粒好彈牙，牛油果冇渣，抵讚。