影片
更多
2023-07-24
190 浏览
朋友屋企樓下間餐廳轉左手，改左名做吉氏，個名幾得意😙新餐廳係食高質西餐的，老闆熱情招呼，見餐牌又唔算好貴，就入去試下啦。餐牌暫時只有一版，好多野都未list上個牌度，如果你好有主見想食，都可以問下老闆有無㗎，我地呢餐幾乎都係老闆拍板咁濟😆🦪法國生蠔Fine de Claire頭盤先來份生蠔，店內做緊$188半打送house wine優惠，不過我倆怕食唔哂就只要兩隻淺嚐。隻蠔好新鮮，裙邊有咬口，正喎。🥣是日餐湯配🍞自家製麵包是晚嘅餐湯係甘荀湯，好杰身，除左紅蘿蔔味仲左好綿滑嘅甜味，似係南瓜（？）黎🤔另外附上嘅mini roll已烘熱，軟綿綿暖笠笠，做得好好食。🍸青口配白酒忌廉汁比起個啲大大隻嘅青口，呢個藍青口真係高質好多，本身已經較鮮甜，雖然細隻但肉質嫩滑，加上個白酒汁真係好香口，啲汁正到用麵包點埋黎食😆🐂威靈頓牛柳坊間有好多冰鮮貨，話返屋企焗一焗就食得，但比起餐廳現做嘅總係差啲。呢間個威靈頓牛柳真係好正😍，用上巴馬火腿包著牛柳同鵝肝，再加上蘑菇泥，裏邊肉汁飽滿又鮮味，牛柳勁嫩滑，外邊個酥皮夠香口，唔過厚又唔覺膩。而伴碟嘅配菜都唔馬虎，用上小白薯同green bean，唔係平常啲港式打卡
餐牌暫時只有一版，好多野都未list上個牌度，如果你好有主見想食，都可以問下老闆有無㗎，我地呢餐幾乎都係老闆拍板咁濟😆
🦪法國生蠔Fine de Claire頭盤先來份生蠔，店內做緊$188半打送house wine優惠，不過我倆怕食唔哂就只要兩隻淺嚐。隻蠔好新鮮，裙邊有咬口，正喎。
🥣是日餐湯配🍞自家製麵包是晚嘅餐湯係甘荀湯，好杰身，除左紅蘿蔔味仲左好綿滑嘅甜味，似係南瓜（？）黎🤔另外附上嘅mini roll已烘熱，軟綿綿暖笠笠，做得好好食。
🍸青口配白酒忌廉汁比起個啲大大隻嘅青口，呢個藍青口真係高質好多，本身已經較鮮甜，雖然細隻但肉質嫩滑，加上個白酒汁真係好香口，啲汁正到用麵包點埋黎食😆
🐂威靈頓牛柳坊間有好多冰鮮貨，話返屋企焗一焗就食得，但比起餐廳現做嘅總係差啲。呢間個威靈頓牛柳真係好正😍，用上巴馬火腿包著牛柳同鵝肝，再加上蘑菇泥，裏邊肉汁飽滿又鮮味，牛柳勁嫩滑，外邊個酥皮夠香口，唔過厚又唔覺膩。而伴碟嘅配菜都唔馬虎，用上小白薯同green bean，唔係平常啲港式打卡西餐嘅翠玉瓜🤣
🐖西班牙炵燒乳豬配薯蓉及燴皺紋椰菜另一份主菜就揀左乳豬，個皮超級脆，而豬肉鹹香有肉汁，十分嫩滑，不過啲油脂都幾勁，好彩有配上酸椰菜中和番，個酸椰菜有用煙肉炒過，一啲都唔寡㗎😆
🍰巴伐洛娃蛋白餅最後就係甜品啦，揀左少見嘅巴伐洛娃蛋白餅，上枱時意外地大件呢，上面佈滿鮮果，雖然唔係個啲靚靚嘅打卡蛋糕，但其實賣相唔差㗎，影相技巧唔夠，哈哈😅蛋白餅偏甜，忌廉香滑，再連埋上面嘅鮮果一齊食就啱啱好，因爲生果帶酸味，一酸一甜正好平衡返😋
真係好好味，店家咁有誠意，支持下小店啦😘
张贴
