滝雲

营业中

休息中

星期六晏晝收咗工，就行咗去尖沙咀，諗住搵間新餐廳同女朋友試吓，行行下就見到呢間寫住試業中，就膽粗粗入去問吓有冇位，咁佢又好熱情咁招呼我地入去。我就見到個lunch set menu 上面有三款寫住推薦，我見頭兩個就比較貴d，所以就決定叫個平少少嘅北海丼。個set係包咗前菜同埋湯，咁佢收得依個價錢前菜都唔係一般見到嘅中華沙律或者螺肉，細問之下，原來係嚟自沖繩嘅海葡萄，個汁酸酸地幾開胃嫁；主菜北海丼睇圖就會見到係有海膽、三舊帶子、三片燒過嘅三文魚，一咋魚子同一堆蟹肉，都幾足料嫁，如果三文魚變咗拖羅就更加Perfect啦。講完嘢食，店員服務都非常殷勤，周不時都過嚟幫我哋斟茶，值得加分。