一方堂居酒屋

营业中

休息中

係尖沙咀做完facial，行過對面厚福街食飯，見到咁多人唔算排隊就去左藍馬商業大廈睇下有咩餐廳，朋友話不如食日本嘢，我地就見到呢間居酒屋裝修充滿日本風格，環境坐得幾舒服。香葱吞拿魚蓉卷壽司飯包住海藻同芝士，芝士味濃郁，上面放左香葱吞拿魚蓉，味道creamy，口感豐富。雞皮餃子薄薄嘅雞皮包住餡料，隻隻漲卜卜，雞皮煙煙韌韌幾好食。牛排牛肉肉味濃郁，沙律新鮮爽口。北海道豚肉炒麵炒麵質地煙靭，唔會太乾，加上好多椰菜，口感豐富。京都雞肉雞肉嫩滑多汁，配埋大葱一齊食超級香。雞軟骨炸到香脆可口，加上檸檬汁減少油膩感。