農

营业中

休息中

今日同男朋友踩完單車於是去科學園度食飯發現呢間新開嘅粵菜餐廳，六點鐘就見門口超多人等位，見佢menu有好多新派既農家菜。環境好大，有室內同室外，夜晚天氣涼既話建議坐室外，氣氛燈光都好好。我地二人要左火焰叉燒同燒乳鴿，推介必點！叉燒係再用火槍燒起，令到叉燒更香脆焦香，打卡一流，肥瘦均勻。乳鴿又係烤得皮脆肉嫩，充滿油脂香。頭盤要左凍醉蝦同凍鹵水墨魚，蝦更肥美彈牙，肉質厚實，充滿酒香。最有特色係個朱豬包，豬仔好得意，原來入面係流心朱古力，超香濃！另一睇得又食得既係天作之盒，原來係原隻日本南瓜，入面係嫩滑蒸水蛋，底層更有瑤柱，超足料，難怪新開張無耐，就已座無虛席，最後有個甜品係熊仔既牛乳布甸配cheese cake ! 成餐飯超滿足！