影片
更多
2022-10-16
35 浏览
話說屯門市廣場新開咗好多鋪頭尤其係Donki同gu嗰層中央地方開咗一間餐廳係專食韓國甜品一直都想去試下咁今日就行完黃金海岸之後就去市廣場試下呢間餐廳餐廳嘅位置都幾開揚擺設有些少木系清新嘅感覺由於餐廳嘅主題係柑橘所以我今次都叫咗好幾個柑橘嘅食品慢煮雞胸紅菜頭沙律一上碟嗰陣覺得呢個沙律好特別成個沙律都係紅菜頭嘅桃紅色但食落係出奇嘅爽甜清新紅菜頭食落好爽口配上雞胸有幾夾㗎喎係一個幾開胃嘅前菜燒醬油黑毛豬白切肉飯呢個飯幾有心思飯係泡菜炒飯底，少少微辣幾惹味重點就落喺黑毛豬腩肉上面腩肉的肥瘦比例適中令到佢食落去嗰陣好冧好鬆軟主菜嚟講值得一試士多啤梨提子忌廉三文治呢個餐上碟嗰陣非常吸眼球口口嘅忌廉夾住唔同嘅生果食落去都幾清新同埋佢嘅賣相相當適合打卡然後到我哋最期待嘅甜品係清甜柑橘窩夫啦份量真係唔講得笑賣相亦都相當靚窩夫面上面鋪咗好多忌廉同埋柑橘亦都有柑橘醬畀大家可以加上去窩夫食落去香脆同夠厚滿足感係爆燈非常推薦大家試下飲品方面呢度都係好有特色柑橘乳酪賣相係同呢間餐廳一樣濃厚嘅柑橘味道配上乳酪相當解渴熱情金菠蘿沙冰菠蘿特飲嘅賣相就更加浮誇飲落亦都係相當清甜值得一試總結今餐無論係主菜甜品定飲品都相當有
話說屯門市廣場新開咗好多鋪頭
尤其係Donki同gu嗰層
中央地方開咗一間餐廳係專食韓國甜品
一直都想去試下
咁今日就行完黃金海岸之後就去市廣場試下呢間餐廳
餐廳嘅位置都幾開揚
擺設有些少木系清新嘅感覺
由於餐廳嘅主題係柑橘
所以我今次都叫咗好幾個柑橘嘅食品
慢煮雞胸紅菜頭沙律
一上碟嗰陣覺得呢個沙律好特別
成個沙律都係紅菜頭嘅桃紅色
但食落係出奇嘅爽甜清新
紅菜頭食落好爽口
配上雞胸有幾夾㗎喎
係一個幾開胃嘅前菜
燒醬油黑毛豬白切肉飯
呢個飯幾有心思
飯係泡菜炒飯底，少少微辣幾惹味
重點就落喺黑毛豬腩肉上面
腩肉的肥瘦比例適中
令到佢食落去嗰陣好冧好鬆軟
主菜嚟講值得一試
士多啤梨提子忌廉三文治
呢個餐上碟嗰陣非常吸眼球
口口嘅忌廉夾住唔同嘅生果
食落去都幾清新
同埋佢嘅賣相相當適合打卡
然後到我哋最期待嘅甜品
係清甜柑橘窩夫啦
份量真係唔講得笑
賣相亦都相當靚
窩夫面上面鋪咗好多忌廉同埋柑橘
亦都有柑橘醬畀大家可以加上去
窩夫食落去香脆同夠厚
滿足感係爆燈
非常推薦大家試下
飲品方面呢度都係好有特色
柑橘乳酪
賣相係同呢間餐廳一樣
濃厚嘅柑橘味道配上乳酪
相當解渴
熱情金菠蘿沙冰
菠蘿特飲嘅賣相就更加浮誇
飲落亦都係相當清甜
值得一試
總結今餐無論係主菜甜品定飲品都相當有特色
難怪餐廳經常都要等位
相當適合情侶拍拖食甜品嘅一間餐廳
张贴
