品茶弄啡 (已結業)

今日行開尖沙咀的漢口道，見到係成條街都係藥房的中間有間新開的台式飲品店，仲有近期好熱潮的手作黑糖鮮奶等，就同朋友買兩杯黎試下。由於今日的珍珠賣晒，老闆推介咗呢款手作黑糖仙草鮮奶，好大的一杯，份量多，黑糖整成的掛紋好有美感，仙草爽滑鮮甜，有香濃的炒黑糖味，奶夠冰凍可口，幼滑新鮮，同黑糖的味道好夾。黑枸杞洋甘菊水果茶，大杯，$40,顏色好靚，呈淺紫色，其實係黑枹杞本身的顏色撞上酸性的檸檬就會出呢種咁特別的顏色，加上有檸檬，蘆薈同火龍果肉，飲落酸酸甜甜，清甜解渴，是必試之選。