牛角Buffet (好運中心)

营业中

休息中

牛角不嬲出名好食，沙田終於等到有一間。今次專登去。距離地鐵站大約10分鐘步程，但屬於商場內，所以等緊期間去shopping都可以。眾所周知牛角不嬲都等好耐，就算有S級會員都未必入到。所以如果要食一係就要好早，一係就8:30打後。今次等接近兩個鐘，但係好多人都預左。不過大家都知等得辛苦，所以服務態度上佢地都非常將就。入面款式包羅萬有，最出名既牛筋，牛舌，牛板腱，樣樣有齊。飲品亦都可以自選。有少少餐前菜，非常開胃。燒物方面當然唔少得菠蘿，金菇，炸雞等等。牛肉一如既往好味，齒頰留香。落枱既侍應仲會介紹翻食物名稱。環境始終係新淨所以坐得非常舒服，周圍有少少煙在所不免。今次四個人平均$400內，放題式叫左四轉食物，根本唔擔心唔夠食，最後仲拎走埋雪糕。