Coti (沙咀道) (已結業)

舊同事約食飯，到左佢公司樓下的Coti，呢間咖啡店都開左兩年幾，晏晝日日都好旺場㗎。星期六下午茶時段黎到都有幾枱客，好多餐都賣晒添，我地叫左兩份餐同兩杯野飲，揀張枱等食先。自己點左呢個日式紅酒燉牛肉配飯，牛肉份量超多，炆得很軟腍入味，個汁好香甜，飯稍為多水咗啲有啲爛，同埋啲牛肉唔多夠熱，呢兩點另到個飯要扣分。朋友叫左蒲燒鰻魚滑蛋飯，原條鰻魚勁長大大條，鰻魚汁甜甜地好味，個蛋即炒又夠滑，旁邊仲有沙律菜，碟飯幾平衡吖。飲品要左熱棉花糖朱古力同鮮奶咖啡，賣相幾靚喎，自己杯朱古力好濃滑，加左棉花糖都唔會過甜，好飲。朋友杯咖啡都唔錯，啡香奶滑，唔加糖都唔會苦。呢間分店係半自助形式，唔使加一㗎。