影片
更多
2018-09-03
351 浏览
30-08-2018新開張！我即去踩場試味，試左幾日，連埋今日一次過寫評食評+建議！30-08-2018(Day1)30-08-2018(Day1)第一日開張，唔想食肉，所以叫左碗A1【唐三藏】米粉，另加$1特式辣醬，再加兩款素小食（酸齋+芥末雲耳）。睇睇呢碗唐三藏有咩料？蕃茄，羅白，豆卜，腐竹，雲耳，銀芽，果然真係素到爆！連湯底都係無味道，就算我加左所謂既特式辣醬，一樣係無味道，小食還可以，酸齋夠酸，雲耳我自己稍嫌唔夠味，但若要符合大眾口味就差不多了！*叫一個餐，可免費奉送一杯凍飲（咸柑桔檸檬/可樂/雪酷）暫時只得呢三款*如果唔要飲品，一碟小食可獲半價優惠31-08-2018（Day2)第二日我再去試味食其他野！唔知係咪我太晏落去，想食既餐賣晒，好啦！咁我揀自選組合啦！點知又係要乜無乜，要米粉無米粉，要羅白無羅白，要豬軟骨又無⋯⋯最黎揀左雞翼尖，魚皮餃，爽脆豚肉+油麵，麻辣湯底要另外加$2，小食點左醋香大豆芽，香辣雞翼第二日呢餐真係唔多滿意，首先係要乜無乜已經唔高興，第二就係果個要另加$2既麻辣湯，簡直係淡而無味，仲衰過$1果個特色辣醬，幸好我有自備麻辣醬傍身，小食我個人唔欣賞，醋香
30-08-2018(Day1)
30-08-2018(Day1)
第一日開張，唔想食肉，所以叫左碗A1【唐三藏】米粉，另加$1特式辣醬，再加兩款素小食（酸齋+芥末雲耳）。睇睇呢碗唐三藏有咩料？蕃茄，羅白，豆卜，腐竹，雲耳，銀芽，果然真係素到爆！連湯底都係無味道，就算我加左所謂既特式辣醬，一樣係無味道，小食還可以，酸齋夠酸，雲耳我自己稍嫌唔夠味，但若要符合大眾口味就差不多
了！
*叫一個餐，可免費奉送一杯凍飲（咸柑桔檸檬/可樂/雪酷）暫時只得呢三款
*如果唔要飲品，一碟小食可獲半價優惠
31-08-2018（Day2)
第二日我再去試味食其他野！唔知係咪我太晏落去，想食既餐賣晒，好啦！咁我揀自選組合啦！點知又係要乜無乜，要米粉無米粉，要羅白無羅白，要豬軟骨又無⋯⋯最黎揀左雞翼尖，魚皮餃，爽脆豚肉+油麵，麻辣湯底要另外加$2，小食點左醋香大豆芽，香辣雞翼
第二日呢餐真係唔多滿意，首先係要乜無乜已經唔高興，第二就係果個要另加$2既麻辣湯，簡直係淡而無味，仲衰過$1果個特色辣醬，幸好我有自備麻辣醬傍身，小食我個人唔欣賞，醋香大豆芽的確好醋，太酸了！酸到我食唔落，香辣雞翼既唔香又唔辣，純粹只算係求其整熟左既雞翼，至於奉送既飲品，好唔好飲見人見智，但絕對唔岩我口味！
唯獨係爽脆豚肉幾好食，同埋雞翼尖幾夠味
01-09-2018(Day3）
第三日！同呀仔一齊去食
今次我點左【化骨龍】油麵（加辣），菜料有瑞士雞翼，豬軟骨，花枝丸，鮮竹卷，唐生菜
我仔點左【豬八戒】油麵，菜料有腩肉，豬軟骨，豬皮，豆卜，菜心
同埋點左4款小食，有酸齋，芥末雲耳，瑞士雞翼，雞軟骨，暫時呢餐算滿意喇！雖然無乜特別，但我稍後仍有一點建議想比貴店
03-09-2018（Day4)
除左星期日無幫襯，呢次係第四次黎食喇！
其實食左幾日，今日再食【化骨龍】，今日店員話加辣唔需要加$1，對我黎講都算係好消息，因為加左幾日，我從來無一餐係覺得辣，今次另加兩款小食，炸魚皮同醉雕雞翼，我發覺【化骨龍】呢個餐係最好食同抵食，除左自選，我諗如無意外都唔會再食其他餐，呢幾日小食我都試左唔少款式，暫時最好食係酸齋同瑞士雞翼
交流：呢間食店好明顯係做街坊生意，大多食客都係熟口熟面，有時食完大家都會吹兩句，睇下咩好食咩唔好食，暫時以我所知最好食係【化骨龍】
建議：我發現一個問題覺得好奇，就係例如我點左一個【化骨龍】餐，但我想再另加$7拳頭菜式，但竟然唔可以？收錢店員回答我，如要加拳頭菜就一家定要揀自選組合，我真係唔理解，點解唔準餐另加呢？另外今日有街坊同我講，佢前日又係點左一個【化骨龍】餐，原本湯底係沙嗲湯，但因為街坊唔食得辣，問店員可否將湯底轉做清湯底，得到答案又係唔得，咩都話公司規定，我認為太死板囉！應該可以再人性化點！
Ps!我見食店有兩款制服既員工，穿黃衣既明顯係服務員（樓面），另有穿著粉紅色恤衫既，唔知係收銀定係咩職位？幫襯幾日，我見食店既廳面，樓面有5-6人左右，只係負責收走食盤及抹枱，不會幫食客送食，樓面無野做時就齋企，有次我揀了一個座位，但因為要去自行領取食物，眨眼間我既座位已被其他人坐了⋯⋯
张贴
