影片
更多
2017-05-31
6337 浏览
銅鑼灣時代廣場，我經常也會到訪，喜歡這裡的停車場夠大夠多位，同埋泊車優惠夠抵，鐘數夠長。泊完車就可以在銅鑼灣shopping，既方便又快捷，泊個兩至三小時，也不成問題。行街行到累，買野買到開始乾塘就會上時代廣場10樓以上既食通天搵野食，今日就被我發現佐呢間「新餐廳」。說她是新，只因為佢係剛剛係時代廣場開新既分店，但係其實「小南國」這個品牌一d都唔新，我自己就曾經到訪佢地位於沙田，旺角，同埋九龍灣既分店，佢地既食物質素高，環境又舒服，而呢間係分店，理應不差，我就決定比佢一個機會，入內一試。餐廳位於商場既11樓，裝潢很modern，步入餐廳左邊一列既紅白酒陳列櫃，已可以顯示出那種氣派。餐廳都幾大，table setting分好多種，人少既，就會安排在「大堂」，人多既，就可以安排到privacy比較高既「鳥籠」table，或者包房。說她是「鳥籠」，只因我覺得佢既設計呈半開放狀態，外貌像鳥籠，絕對沒有貶意。牆身畫有上海既城市圖，都未知是現今的上海？還是1987年的上海？茶芥每位＄18，要飲特別既茶，收費會貴少少，我自己就揀佐個人最愛既「人蔘烏龍」，茶芥每位＄25，貴少少，但係那份快樂感我覺得遠
泊完車就可以在銅鑼灣shopping，既方便又快捷，泊個兩至三小時，也不成問題。
行街行到累，買野買到開始乾塘就會上時代廣場10樓以上既食通天搵野食，今日就被我發現佐呢間「新餐廳」。
說她是新，只因為佢係剛剛係時代廣場開新既分店，但係其實「小南國」這個品牌一d都唔新，我自己就曾經到訪佢地位於沙田，旺角，同埋九龍灣既分店，佢地既食物質素高，環境又舒服，而呢間係分店，理應不差，我就決定比佢一個機會，入內一試。
餐廳位於商場既11樓，裝潢很modern，步入餐廳左邊一列既紅白酒陳列櫃，已可以顯示出那種氣派。
餐廳都幾大，table setting分好多種，人少既，就會安排在「大堂」，人多既，就可以安排到privacy比較高既「鳥籠」table，或者包房。
說她是「鳥籠」，只因我覺得佢既設計呈半開放狀態，外貌像鳥籠，絕對沒有貶意。
牆身畫有上海既城市圖，都未知是現今的上海？還是1987年的上海？
茶芥每位＄18，要飲特別既茶，收費會貴少少，我自己就揀佐個人最愛既「人蔘烏龍」，茶芥每位＄25，貴少少，但係那份快樂感我覺得遠大於那＄7。
餐前小碟係花生，每碟都係要收費既，＄25一碟，1－4位有一碟，5－9位有兩碟，10位以上就會有三碟。
餐廳有套餐既選擇，都幾抵食，入門版既二人套餐賣＄568，已經可以飲到花膠湯，
而名貴版既就賣＄668，食既除佐有花膠湯外，還有黑松露蝦仁，小黃魚，酒釀丸子，等等，十分豪華。
唔食套餐既，點菜就要費時一點，因為餐牌都幾厚，成本字典一樣，淨係揭，都揭佐我超過15分鐘。
上海香酥烤子魚 ＄98
菜式命名為烤子魚，其實就係我地平時食到既鳳尾魚。
鳳尾魚烤得很香口，加上餐廳自家製既醬汁一起烤煮，甜甜地，可以連骨食，個人稅＝覺得有一點薰魚既感覺，卻比薰魚更香更脆。
一碟有7條，都算幾多。
成條連骨食，唔駛就住就住，好彩既，可以食到魚春，因為唔係每一條都「多春」。
特色餛飩走地雞湯 （半隻） ＄158
我地兩個人食，考慮佐一會，到底應該點半份，還是點兩位？
因為一位既價錢係＄60，半隻雞既價錢係＄158，價錢唔差得遠，而我又係非常鐘意飲湯既一類人，所以最好都係點佐半份雞。
半份雞既份量，真係一d都唔少，勁大鍋，其實4－6人食都絕對夠，我地最後就分佐7碗，因為我地只有兩個人食，所以每人都飲佐3碗，真係飲湯都可以飲飽。
餛飩既份量都多得驚人，有12粒，真係6個分，每人都可以分到2粒，好彩我地夠大食，最後都冇浪費，成功ko。
雞係走地雞，食落雞肉好嫩滑，雞皮略嫌厚身，keep緊fit既我決定放棄雞皮，留番quota俾更值得既地方。
店員好好咁幫我地「處理」佐隻雞，剪開一舊舊，分便食用。
來自清遠既走地雞，食落肉質彈牙而不煙靭，配醬油，咁就多佐一個餸啦。
蟹粉小籠包 ＄32一件
名貴既蟹粉小籠包係逐件order既，採用獨位蒸籠去處理，感覺商貴。
蟹粉係廚師用手生拆既，和豬肉餡料以黃金比例去釀製。
皮做得很薄，卻不容易夾穿，湯汁原汁原味地保留在包包中，食落很鮮甜，蟹粉味不算重，味道卻在舌尖中慢慢浸出。
南國蔥油開洋伴面 ＄48
主食點了一個伴面，呢個炒得很乾身，拉面很滑而且彈牙。
但係因為係原條拉麵所以沒有剪開，如果要share既就要搵店員幫下手啦。
椰汁江南八寶飯 ＄68
有別於平時在上海餐廳食到既八實飯，呢度既八寶飯用上比較稀既椰汁去浸住上碟，用匙更去食，每一口都有濃濃既椰香，感覺像喝糖水一樣。
佢既椰香味夠濃，加上八寶飯裡面既豆沙蓉，很甜，作為甜品絕對一流。
小南國一直在我心中的排名位處高位，今次發現佢係time square開設分店，真的是可喜可賀呢！
张贴
