影片
更多
2022-11-01
807 浏览
依家疫情緩和咗好多，好多酒店都開番自助餐。今次介紹嘅新開幕餐廳叫《ION》位於香港仔南灣如心酒店，裝修都好現代，中間石枱係buffet區，左右兩則就係沙發坐枱，仲有私人房間可以一家人聚會。記得提前訂位啊！房間都有分兩人和四人或者係家庭聚會八人！食開自助餐，海鮮類通常都係最多人關注。之前疫情長腳蟹好多酒店都暫停供應，今次依間終於食到，同埋仲有青口、大蝦、翡翠螺同埋小龍蝦。海鮮refill都幾大，可以慢慢食唔洗同人爭。長腳蟹個size都幾大，食落特別鮮甜，又有天然嘅咸鮮味。值得一讚係佢地嘅小龍蝦，蝦味特別濃又新鮮。長腳蟹真係超級長睇相，差唔多有成個前手臂長！另外佢哋嘅小龍蝦整到特別好食，我好似都食咗成三碟！其實淨係食長腳蟹同埋小龍蝦都已經可以回本！沙律選擇都幾多，田園沙律菜，煙肉凱撒沙律、芒果木瓜牛油果蟹肉沙律。沙律旁邊就係火腳同埋芝士區，有莎樂美腸、高柏火腿、巴馬火腿。食得火腿點少得芝士，佢地仲提供三款芝士，分別係埃文達芝士、巴馬臣芝士、同埋車打芝士。注重健康飲食嘅我沙律真係好重要，佢除咗有普通款式嘅沙律，仲有好多沙律配菜，而且佢哋嘅芒果木瓜牛油果蟹肉沙律超級正！刺身種類都唔少，章魚、三
食開自助餐，海鮮類通常都係最多人關注。之前疫情長腳蟹好多酒店都暫停供應，今次依間終於食到，同埋仲有青口、大蝦、翡翠螺同埋小龍蝦。海鮮refill都幾大，可以慢慢食唔洗同人爭。長腳蟹個size都幾大，食落特別鮮甜，又有天然嘅咸鮮味。值得一讚係佢地嘅小龍蝦，蝦味特別濃又新鮮。長腳蟹真係超級長睇相，差唔多有成個前手臂長！另外佢哋嘅小龍蝦整到特別好食，我好似都食咗成三碟！其實淨係食長腳蟹同埋小龍蝦都已經可以回本！
沙律選擇都幾多，田園沙律菜，煙肉凱撒沙律、芒果木瓜牛油果蟹肉沙律。沙律旁邊就係火腳同埋芝士區，有莎樂美腸、高柏火腿、巴馬火腿。食得火腿點少得芝士，佢地仲提供三款芝士，分別係埃文達芝士、巴馬臣芝士、同埋車打芝士。注重健康飲食嘅我沙律真係好重要，佢除咗有普通款式嘅沙律，仲有好多沙律配菜，而且佢哋嘅芒果木瓜牛油果蟹肉沙律超級正！
刺身種類都唔少，章魚、三文魚、吞拿魚、鯛魚、赤背、馬刀貝。款款都好新鮮，同埋仲有多款壽司提供。
至於熟食類，烤西冷牛扒就首推，肉質軟腍，加埋芥末醬或者燒汁就更加好食。另外仲有海皇泡飯、脆皮乳鴿、天多利風味羊架、香煎魚柳配麻油及蠔油、牛油咖喱雞等等。喺熟食方面都非常之出色！
另外麵食都有多達12款麵底可以揀，揀完面仲可以加入肥牛、五花腩同埋自家製鮮蝦雲吞。
湯類就有蔘鬚煲唐排同埋肉骨茶。
喺甜品方面，有番薯糖水，麵包布丁，藍莓芝士蛋糕，brownies ,栗子朱古力蛋糕，柚子慕絲蛋糕，伯爵紅茶慕絲蛋糕，蝴蝶酥葡撻，斑蘭蛋糕，提拉米蘇，燉蛋，奶凍。啱晒鍾意甜品嘅朋友。我就特別鍾意食佢哋嘅伯爵紅茶慕絲蛋糕！
門口左邊就係飲品同埋雪糕區。自助飲品有咖啡機嘅即磨咖啡同埋英式熱茶區。雪糕當然唔少得Haagen dazs，我去到當日都有coffee、raspberry 同埋strawberry三隻味可以揀。
真係好滿足嘅一餐，喺裝修咁華麗嘅酒店，一定要叫多杯紅酒白酒慢慢歎，同埋食到飽先好走。我哋就叫左氣酒同sangria！特別推薦佢哋嘅sangria！仲有free flow可以選擇!!
如果唔想錯過其他好介紹，記得follow我呀😘
多謝大家！！！
张贴
