影片
更多
2023-11-13
30 浏览
白布街最近新開咗間居酒屋，a la carte有八折優惠。而且仲係香港少有唔需要最低消費就可以坐tatami位嘅日式餐廳。✨吞拿魚面頰肉脆脆 $48烤過嘅鱈魚加埋肥美嘅吞拿魚面頰肉，口感豐富而且油脂香氣濃郁。鍾意拖羅或者腦天口感嘅一定覺得正。✨南非鮑魚1隻 $78✨馬刀貝 $58兩款海鮮都好新鮮。鮑魚柔軟鮮甜。馬刀貝爽彈，配蔥花、木魚、粉絲，冇平時配蒜茸咁濃味。✨紫蘇葉雞皮蝦串 $68雞皮烤到又薄又脆，仲有少少鹹香。蝦肉本身已經好鮮甜，仲索晒雞油嘅香味。口感同味道都好豐富。✨味噌大腸 $38口感煙靭，冇咩肥膏。好濃郁嘅大腸味，加埋偏甜嘅味噌味道好夾。✨雞軟骨 $38來貨質素正常，燒得爽脆鹹香。✨塩燒牛小排串 $68肉質軟嫩有少少彈性，肉汁又香又濃郁。✨塩燒厚切牛舌芯 $78牛舌芯又厚又彈牙，有少少黑椒調味特別香。✨阿波尾手羽 $38超巨型嘅雞翼！雞皮有少少焦脆，最香係雞翼尖部份。✨秋葵 $36秋葵燒到有少少焦香，完全冇黏液嘅滑滑口感。✨菠蘿 $48冇諗過咁大份，係正常餐廳嘅三倍份量。加埋大量肉桂粉反而突顯菠蘿嘅甜品。✨牛油燒粟米 $36燒得均勻，焦香又唔燶。✨野菜牛肉烏冬 $118牛肉
✨吞拿魚面頰肉脆脆 $48
烤過嘅鱈魚加埋肥美嘅吞拿魚面頰肉，口感豐富而且油脂香氣濃郁。鍾意拖羅或者腦天口感嘅一定覺得正。
✨南非鮑魚1隻 $78
✨馬刀貝 $58
兩款海鮮都好新鮮。鮑魚柔軟鮮甜。馬刀貝爽彈，配蔥花、木魚、粉絲，冇平時配蒜茸咁濃味。
✨紫蘇葉雞皮蝦串 $68
雞皮烤到又薄又脆，仲有少少鹹香。蝦肉本身已經好鮮甜，仲索晒雞油嘅香味。口感同味道都好豐富。
✨味噌大腸 $38
口感煙靭，冇咩肥膏。好濃郁嘅大腸味，加埋偏甜嘅味噌味道好夾。
✨雞軟骨 $38
來貨質素正常，燒得爽脆鹹香。
✨塩燒牛小排串 $68肉質軟嫩有少少彈性，肉汁又香又濃郁。
✨塩燒厚切牛舌芯 $78
牛舌芯又厚又彈牙，有少少黑椒調味特別香。
✨阿波尾手羽 $38
超巨型嘅雞翼！雞皮有少少焦脆，最香係雞翼尖部份。
✨秋葵 $36
秋葵燒到有少少焦香，完全冇黏液嘅滑滑口感。
✨菠蘿 $48
冇諗過咁大份，係正常餐廳嘅三倍份量。加埋大量肉桂粉反而突顯菠蘿嘅甜品。
✨牛油燒粟米 $36
燒得均勻，焦香又唔燶。
✨野菜牛肉烏冬 $118
牛肉竟然唔係肥牛，油脂紋理好均勻好靚嘅，入口細嫩又有油香🤣。烏冬份量啱兩人share。
✨北秋田濁酒300ml $62
米香重而且有明顯酒粕甜味，特別易入口。Btw一般嚟講去餐廳飲杯啤酒都唔止呢個數🤭。
最後仲有送甜品！
张贴
