一方堂居酒屋

营业中

休息中

生日撞正新年🙈朋友話我好難約~率先食嘅第一餐慶生飯去咗位於尖沙咀新開嘅居酒屋💓同朋友兩個人食咗好多嘢🤣冇預計過啲份量咁多叫嘅時候仲驚會唔夠飽🙈一齊嚟睇吓我哋叫咗咩啦~1️⃣廣島燒餅2️⃣吉列廣島蠔3️⃣南蠻炸雞4️⃣露筍豚肉串5️⃣鰻魚柳川（配白飯）6️⃣鹿兒島黑豚腩鍋喺主食之前，我哋叫咗幾款唔同嘅小食~發現佢嘅嘢都整得唔錯，特別係個吉列廣島蠔，大大隻、外脆內軟🦪南蠻炸雞都好出色，唔會炸到乾爭爭，肉質幾juicy👍🏻而且幾欣賞佢唔係就咁炸就算，有唔同嘅香料調味🥰而廣島燒餅同埋豚肉串就正常發揮，燒餅幾軟熟，醬汁同埋面頭嘅木魚絲都幾多下👍🏻露筍豚肉串味道都唔錯，顏色都燒得幾靚.之後就到主食喇~據了解，鰻魚柳川係由江戶時代開始就流傳到而家，冬天好啱食~可以暖身💓而主要材料有洋蔥、滑蛋同埋鰻魚，調味料冇記錯就係有柴魚高湯同埋味醂~個人覺得呢道主食簡單得嚟幾好食，配飯係一流，平時唔食洋蔥嘅我，覺得佢啲洋蔥絲處理得好好，夠甜夠軟身，而且吸晒調味料嘅味👍🏻配飯一流~建議呢道菜一上枱就食，趁啲滑蛋仲嫩😆另外，畀個個黑豚腩鍋嚇親🙈好大份好彩勉強都食得晒黑豚肉嘅口感好有彈性，肉質幾嫩，點埋個柚子醬油食落唔會有油膩感，不過配料勁多