糖室 (已結業)

野莓心太軟配蜜糖乳酪雪糕🍓($46)店裡面三款心太軟，有兩款都比較少見，揀左野莓味，中間有玫瑰🌹做伴碟，賣相一流啦。心太軟一切，又係爆曬出黎，真係我最期待的畫面出現了❤️。心太軟雖然係野莓味，但唔太酸，反而比預期中甜，但雪糕個味就偏酸，配埋一齊好小清新！玫瑰杞子雪耳露 （$32）好鐘意雪耳露好膠質好稠嘅質感😛，而且材料非常豐富，啖啖都係雪耳、百合同杞子，仲好細心將材料切成細份再煮，方便入口之餘仲增添口感，味道清甜有啖啖嘅玫瑰花香🌹，仲有一粒好清甜嘅紅棗❤，食完感覺好養生呀！