影片
更多
2022-12-17
30 浏览
最近發現一間新開又抵食既台灣餐廳，有多款台灣小食，暫時去吾到台灣旅行，系呢度食返啲台灣夜市小食都吾錯！夜市拼盤 $48拼盤有炸雞件、炸雞軟骨、台灣腸、甜不辣、地瓜條、黃金芋圓球，每樣大約有2件，呢個價錢幾抵食。2個人share岩岩好，可以每樣都試下。個人幾喜歡黃金芋圓球，甜甜地而且炸得夠脆口，內裡系軟棉棉既芋泥。大腸包小腸 $28去台灣旅行必食既小食，香港都比較少見，即刻二話不說叫一份，用糯米腸包住台灣腸，加上特製醬汁同生菜，好有台灣既味道！牛肉刈包 $33刈包內有紅燒牛肉、生菜同酸蘿蔔片，餡料較為簡單，個人建議趁熱食，凍左既話個包會較難咬開。天母牛肉胡椒餅 $38以前去台灣食過一次便愛上，系香港未有見到餐廳有呢款小食。滿滿既牛肉餡料，有淡淡既胡椒味，但酥餅有少少實，可能天氣太凍既關係。金牌紅燒牛肉麵 $58牛肉有微微既紅燒味，湯底無咩油夠清，刀削麵既麵條好滑。黑金剛豚肉飯 $58餐牌大大個介紹呢個飯，所以叫一份試下。份量比相像中多，聽店員講豚肉系每日新鮮製造，以半肥瘦既豚肉配特製醬汁，醬汁味道似系濃味又吾會好咸既叉燒醬汁，配白飯食一流！九份手工仙草紅豆芋圓 $18最後見到隔離枱既芋圓
夜市拼盤 $48
拼盤有炸雞件、炸雞軟骨、台灣腸、甜不辣、地瓜條、黃金芋圓球，每樣大約有2件，呢個價錢幾抵食。2個人share岩岩好，可以每樣都試下。個人幾喜歡黃金芋圓球，甜甜地而且炸得夠脆口，內裡系軟棉棉既芋泥。
大腸包小腸 $28
去台灣旅行必食既小食，香港都比較少見，即刻二話不說叫一份，用糯米腸包住台灣腸，加上特製醬汁同生菜，好有台灣既味道！
牛肉刈包 $33
刈包內有紅燒牛肉、生菜同酸蘿蔔片，餡料較為簡單，個人建議趁熱食，凍左既話個包會較難咬開。
天母牛肉胡椒餅 $38
以前去台灣食過一次便愛上，系香港未有見到餐廳有呢款小食。滿滿既牛肉餡料，有淡淡既胡椒味，但酥餅有少少實，可能天氣太凍既關係。
金牌紅燒牛肉麵 $58
牛肉有微微既紅燒味，湯底無咩油夠清，刀削麵既麵條好滑。
黑金剛豚肉飯 $58
餐牌大大個介紹呢個飯，所以叫一份試下。份量比相像中多，聽店員講豚肉系每日新鮮製造，以半肥瘦既豚肉配特製醬汁，醬汁味道似系濃味又吾會好咸既叉燒醬汁，配白飯食一流！
九份手工仙草紅豆芋圓 $18
最後見到隔離枱既芋圓糖水好吸引，我又叫一份，$18好抵食，好足料！芋圓、仙草、紅豆蓉加花奶一齊食，好味道！
餐廳得大約20個位，新開夠乾淨足光猛，環境有種好似台灣快餐店既感覺。另外呢度有免費冬瓜茶，可以任添！
张贴
