金記冰室 (康怡廣場北座) (已結業)

就算鍾意食茶餐廳都會注意佢嘅環境同埋氣氛，已見到呢一間喺太古啱啱開金記冰室，到咗晚飯時間出邊已經好多人喺度排隊，等左一陣就安排我哋入座。我哋叫咗一個美式雜扒套餐，份量超級多入邊會有唔同嘅扒類「豬牛雞等等，仲會有腸仔同埋煙肉」我哋就揀咗薯條，醬汁亦都有三種我哋就揀咗蒜蓉汁。見到附近有好多人喺度食緊海南雞飯而我見到佢嘅價錢包埋嘢飲/餐湯，一碟雞同埋油飯。海南雞飯嘅雞非常嫩滑，而且唔會有骨，以佢哋嘅油飯，軟硬適中。旁邊總會有雞蓉花生醬油等等嘅調味料。晚上時間佢仲有好多唔同嘅套餐，我哋本身諗住叫碟菜不過見到佢嘅套餐入邊都有，而且可以陪埋白飯都真係幾抵食。我哋就叫多咗一個金銀蛋肉碎白菜仔。價錢唔貴，而且環境坐得舒服。見到餐牌入邊仲有兒童餐，一個外型好似火車嘅套餐，小朋友一定食得開心。金記冰室雖然有好多間分店但係呢一間嘅裝修又懷舊又舒服而且仲加入左好多新嘅裝修元素、非常唔錯。