有團火叉燒事務所

呢間叉燒飯店開咗近2個月，係主打賣叉燒飯，啱晒一眾叉燒飯控🤗

我揀咗雙拼款，見同場唔少食客都係揀呢款🤣點解話佢哋細節見心思？因為係蛋同飯嘅品種都有得揀🤭

我......就直接揀唔洗加錢嗰款😬家樂蛋(試業期間免費）🍳同埋金鳳頂上茉莉香米🍚

而主角叉燒方面，叉燒色澤紅潤、唔會好乾身，加上偏厚身同大塊，食落又唔會太油膩，好滿足👍🏻

另外，兩款叉燒上插住旗仔寫明係邊一款叉燒，係好可愛🫶🏻

雙拼叉燒飯 （梅頭及五花腩叉燒） $64
冷泡桂花烏龍茶 加配價 $8

2