餓媽家姐 (已搬遷) 新店位置

上星期同朋友做完gym差不多9點有啲肚餓，行左去厚褔街想輕食少少野醫肚，經過呢間新開小食店，個名好得意，就吸引左我地入去試下！我地揀左芝士菠蘿安格斯牛burger，牛味濃郁juicy，加上芝士，菠蘿，新鮮蕃茄同埋生菜，一啖食落去，搭配得好正，芝士嘅濃郁香味同埋菠蘿嘅清新甜味，好滿足！跟套餐包小食同飲品，只要加$20起就得，抵食！另外叫左份慢煮無激素雞胸沙律，沙律份量好大，清新開胃！雞胸肉食落去好軟嫩多汁，肉質鮮嫩，沙律菜很新鮮，最重要係營養豐富，健康又飽肚。最後，仲加左份陳皮魚蛋，14粒只係$20！魚蛋有陳皮嘅香味，好彈牙！