沙嗲王 (眾安街) (已結業)

明太子無骨雞翼今次黎食沙嗲王，司令平時食飯諗唔到食咩都會黎呢度，貪佢野食種類多，而且水準唔差。今次小菜就叫左呢個新推出嘅明太子無骨雞翼，明太子、雞翼、仲要懶人最愛無骨！點可以唔試試？但出到個味道麻麻地🤔 司令都有啲失望。雞翼入面嘅明太子好足料，係包滿晒係雞翼入面，外皮係好食嘅，但重點在於明太子唔太新鮮，所以出到黎腥味都頗嚴重，呢個小菜冇下次呢！牛柳粒溫泉蛋焗意米最近司令愛上左食意米，貪佢口感好好，所以去沙嗲王都冇叫出名嘅白咖喱，反而叫左個意米試試。上到枱熱辣辣同見到牛柳粒圍邊係吸引嘅😍 但牛柳粒煮得有啲過熟，咬唔係好開🤔。個汁好creamy但味道偏淡，加左溫泉蛋同蛋汁一齊食就加返分，司令建議食個陣可以加返芝士粉個味會出啲！